PRESENTACIÓN DE "DESTINO HËRGÜSS" EN COMPOSTELA

"Destino Hërgüss" de Manel Cráneo, chega desde o Planeta Mincha ata Santiago de Compostela nunha viaxe estelar cunha presentación moi especial con música en directo, proxeccións e sesións de sinaturas do cónsul do Planeta Mincha, Manel Cráneo, acompañado ao serrucho musical por Pülpikk Viäsköm, un prodixio da música cósmica.
Ademáis a actividade contará cunha pequena expo de láminas con paisaxes do Planeta Mincha que vós transportarán a este universo sen igual.
A actividade terá lugar no Restaurante Manso, non faltedes.
Esperámosvos!!

VENRES 13: MINCHAFEST!!

E despois da presentación na Biblioteca do Forum Metropolitano do proxecto Destino Hërgüss, o vindeiro venres 13 ás 19:00h, desprazarémonos a iso das 21:30h ata a Cervecería El Penique, na rúa Gómez Zamalloa da Coruña, onde celebraremos o Minchafest, unha festa de presentación aberta para todo o mundo e pensada especialmente para todos os mecenas que apoiraon esta aventura na campaña de crowdfunding feita en Verkami.
Non volo perdades!

PRESENTACIÓN "DESTINO HËRGÜSS" de Manel Cráneo

Xa temos data para a primeira presentación de Destino Hërgüss, será na Coruña o venres 13 deste mes organizada pola librería Metropolis en colaboración coa Biblioteca Municipal do Forum Metropolitano.

Estamos a preparar un acto posterior, ese mesmo día na Cervexaría Penique, do que informaremos nos vindeiros días. 

Axiña informaremos tamén do resto de presentacións que terñán lugar en Santiago, Vigo e Pontevedra. Lembramos que este títilo de Planeta Mincha, só estará a venda en librarías mecenas ata finais de abril que será cando saia ao circuíto comercial pola nosa canle de distribución. Con isto pretendemos compensar o gran esforzo que fixeron os libreiros mecenas apostando e axudando a financiar este proxecto que vai máis alá do propio libro, de estar feito. 

Desde Demo Editorial e o Consulado do Planeta Mincha, queremos dar as grazas publicamente a todos os mecenas do proxecto, máis de trescentos,  por axudarnos a facer posible un proxecto tan complexo de producir.